Tag Archives: ჯიპა

ერთ პოსტში მოქცეული 2015 წელი

Processed with VSCOcam with a6 preset

ესეც ასე, 2015 წელიც სრულდება და ამ წელს იმდენი საინტერესო რამ მოხდა და გადამხდა, ორიოდ სიტყვით რომ არ მიმოვიხილო, არ შეიძლება. თან პოსტიც დიდი ხანია, არ დამიწერია.

ვისაც პოსტში ვიდეოების ჩართვა დაგეზარებათ, ეს მუსიკა ჩართეთ და იღუღუნოს თავისთვის ;)

Continue reading

მაგისტრთა ქუდები ჰაერში!

ასეთი სისწრაფით განვლო ორმა წელმა და ასე დასრულდა ჯიპას ხანა ჩემს ცხოვრებაში. ხანამ, რომელსაც უამრავი ფოტო, სტატია, 11 პოსტი და, დაახლოებით, ორჯერ მეტი ვიდეოპოსტი მივუძღვენი. უკვე ჟურნალისტიკისა და მედიამენეჯმენტის კავკასიის სკოლის მაგისტრი ვარ და მანტია ცხოვრებაში პირველად დამსახურებულად მოვისხი (თუ კეისრისას არ ჩავთვლით:)).

ბოლომდე მაინც ვერ გადმოვცემ სათქმელს. იმიტომ, რომ ჯიპას თითქმის ყოველი წუთი მახსოვს. ყოველივე ამის შემდეგ კი ძნელია, უკანმოუხედავად განაგრძო გზა ცხოვრების აღმართზე. სხვისი არ ვიცი, მაგრამ მე ყოველთვის ვბრუნდები იქ, საიდანაც დავიწყე. ასე იყო სკოლაში, თსუ-ში და ასე იქნება ახლაც.

რეალურად, რა მომცა ჯიპამ?

Continue reading

ბედნიერება კოდური სახელწოდებით “დიპლომის დაცვა”

პრეზენტაციებზე უკვე აღარ ვნერვიულობ. როცა ტყუილების თქმა არ გიწევს, სანერვიულოც არაფერია

დღეს ბედნიერი დღე მქონდა. არა რიგითი ბედნიერი (მე თითქმის სულ ორი რამ მჭირს: ყოველთვის ნასვამი “ვარ” და ყოველთვის ბედნიერი “ვარ”). აღმოჩნდა, რომ შეიძლება, ზოგჯერ არა თუ გაბედნიერდე, არამედ გაბრწყინდე კიდეც, მაგალითად დღეს! Continue reading

ერთი დღე განათლების კვირეულიდან

ჩვენი სტენდი

ს-უ-სხამ დილით (10 საათზე) Expo Georgia-საკენ გავვარდი, ჩემი “ხელსაწყოები” უნდა მომემზადებინა. განათლების კვირეულზე ჯიპა-ს წარდგენა მეც დამევალა. აქ იყო ბევრი, ძალიან ბევრი ინსტიტუტი, უნივერსიტეტი თუ სხვა საგანმანათლებლო დაწესებულება. ფლაერები, პასტები, მაისურები, სტიკერები, სლოგანები, ბევრი ბეეეეევრი ფურცელი, ტკბილეული, ღიმილი, ორიგინალური გაფორმება და მუსიკა – ყველაფერი ეს დღეს იყო. Continue reading

მოტივაცია – ძეხვი

სურათზე დააწკაპუნეთ და დაალაიქეთ ;)

ამ ნახატის იმედად ვარ ახლა…

ამ დილით ძეხვის უკანასკნელი მარაგიც გავკვნიტე.

დიდი პოსტების წერის ნერვი კიდევ არ მაქვს, თუმცა საწერი საკმაოდ დამიგროვდა.

თმა აჩეჩილ თმას დავარცხნა უნდა, ძეხვნაჯიჯგნ კბილებს – გახეხვა. Continue reading

ამასობაში ხმალთევზამაც დაამთქნარა

ამასობაში ხმალთევზამაც დაამთქნარა და გვერდი იცვალა. მე კი დამრჩა ფეხზე გადადებული ფეხი, ზედ ყველის ნაჭერივით მოთავსებული ლეპტოპი ზედვე განკრეფილი თითის ფალანგებით და ცოტაოდენი დრო. როცა ხმალთევზები იძინებენ, ოკეანეში რამეგაყრილ თევზთა რაოდენობა საგრძნობლად კლებულობს. მხოლოდ თითოოროლა გოიმი თუ წამოეგება რომელიმე ანკესს. Continue reading

მოკრძალებული ჰელოუ, მე ვარ სტუდენტების ომბუდსმენი

ეს საკითხთან არაფერ შუაშია. უბრალოდ, გადავაწყდი და გავიფიქრე, ნეტა საკუთარს როდის მოვესწრები-მეთქი

რაღა დასამალია და ეს ბოლო დღეებია, ოფიციალურად ვეკურთხე GIPA-ს თანამშრომლად. თავიდან კარგად ვერ ვხვდებოდი, რა თანამდებობა მეკავა. სადღაც სტუდენტებსა და ლექტორებს შორის რომ ვიყავი, კი ვიცოდი, მაგრამ ზუსტად რას გულისხმობდა სიტყვა “შუამავალი”, ვერ გამეგო. ისეთი პირი უჩანდა, რომ სტუდენტების შპიონობას მთხოვდნენ, მაგრამ, საბედნიეროდ, ასე არ აღმოჩნდა. მოკლედ,

Continue reading

ბაასი ბასსა და კოლვინთან

ჩემ უკან: ჯონ ბასი და მარი კოლვინი

ბოლო დროს რომ ვუკვირდები, ვხვდები, რა აკლია ჩემს ბლოგს. ჟურნალისტიკა, ანუ ჩემი პროფესიული ცხოვრება. ვინც პირადად არ მიცნობთ, დიდი შანსია, არ იცოდეთ, რას ვსაქმიანობ, რას ვაკეთებ.

Continue reading

თუ შვილს მხოლოდ საკვებითა და განათლებით უზრუნველსაყოფად აჩენთ, მაშინ ძაღლის სახელი დაარქვით

პეროვზე მდებარე კაფე “Old London”-დან სახლამდე ფეხით სიარულისას, ზაფხულის ამ მშვენიერ ღამეს, ჩვეულებისამებრ საკუთარ თავთან საუბარი გავაბი. ამჯერად მშობლებს ვუხსნიდი იმას ჩემს შესახებ, რასაც ვერ ხვდებოდნენ და რისი ცოდნაც, ვფიქრობ, საჭირო იყო… Continue reading

სოციალური დამთხვევების კრებული ანუ მიხარია

იცით, როგორ ვგრძნობ თავს? წინაღობებზე მხტომარესავით. “ბეგ ს პრეპიადსტვაიმი” რომ ქვია, ის. აქეთ სტატია, იქით ჯიპა, აქეთ სოციალური მედია, იქით ძილი და ნორმალური ცხოვრება. მიუხედავად ამისა, ჯერ არ ავჭრილვარ (მეტი რაღა უნდა მომივიდეს) და ღიმილის უნარიც შემრჩა (მგონი, ასაერთოდ გაღიმებული დავდივარ).

წინა კვირას, როგორც იქნა, ამისრულდა ორი რამ: 1. ვერ წავედი ბლოგერების ექსკურსიაზე და 2. სოციალური მედიის კარგა ხნის წინ დაგეგმილ ტრეინინგზე ამოვყავი თავი. პირველ პუნქტთან ბოდიშს მოვიხდი და მეორეს მიმოვიხილავ.

Continue reading