Tag Archives: ჟურნალისტი

10 რჩევა კახა ბენდუქიძესთან შერკინებისას

როგორ მოვერიო ბენდუს? ეს კითხვა ჯერ კიდევ სამი წლის წინ გამიჩნდა, როცა მან გადაცემა “პოლიტიკურ კვირაში” ინგა გრიგოლია დაასამარა. აი, გაიხსენეთ კახას უკიდეგანო ორგაზმი ინგას თითოეულ წამოკვნესებაზე.

ესეც კლასიკური მაგალითი იმისა, თუ როგორ არ უნდა აპატიო მოუმზადებელ ჟურნალისტს არც ერთი სიტყვა. იმიტომ, რომ არც ერთი რესპონდენტი არ იმსახურებს უაზრო კითხვებს და უარგუმენტო კრიტიკას. უარგუმენტო კრიტიკა რომ შეურაცხყოფაა, ეს ბუმერანგი გრიგოლიამ იმ საღამოს საკუთარ თავზე გამოცადა.

ამ ამბებიდან გადის სამი წელი და მაესტროზე გასული “ჟურნალისტური ბუკეტის” შემხედვარე ვრწმუნდები, რომ ქართველ ჟურნალისტებს ჭკუა კვლავ არ უსწავლიათ. ასე რომ, სანამ მედიის წარმომადგენლები საზოგადოების თვალში საბოლოოდ დავეცემოდეთ და ქვებს გვესვრიან, ესეც რამდენიმე რჩევა, თუ როგორ უნდა შევერკინოთ კახა ბენდუქიძეს:

  1. ბენდუქიძე შესანიშნავად იყენებს თავის ფიზიკურ მონაცემებს, რასაც ჟურნალისტის ქვეცნობიერი ასევე ფიზიკურ საფრთხედ აღიქვამს. ანუ თუ მე ამ დევს გავაბრაზებ, ადგება და გადამსანსლავს. უბრალოდ, დააიგნორეთ ეს ფაქტი ან გული იმით დაიმშვიდეთ, რომ თუ სამკვდრო-სასიცოცხლოდ გადაიმტერებთ, გაქცეულს მაინც ვერ დაგეწევათ.
  2. ბენდუქიძეს ყოველთვის უნდა ესაუბროთ და ეკამათოთ კონკრეტულ თემებზე, რაზეც იგი არის/იყო პირდაპირი პასუხისმგებელი დარ რაც მის კომპეტენციაში აუცილებლად შედის.
  3. არასდროს მიუდგეთ მას, როგორც ნაციონალების მხარდამჭერს: თუ კარგ ხასიათზეა, ან დაგაბოლებთ ან გეკაიფებათ, ხოლო თუ ცუდ გუნებაზეა, გაგლანძღავთ… ან დაგაბოლებთ.
  4. არასდროს დაუსვათ ისეთი საჩოთირო კითხვა, რომლის გასამყარებლად მინიმუმ სამი ძლიერი არგუმენტი არ გაქვთ! ჯერ გაკვირვებით შემოგედავებათ, თუ ნახავს, რომ “ხალასტოი” კითხვა დაუსვით, არ შეგარჩენთ.
  5. ბენდუქიძე დაუფიქრებელ პასუხებს ისვრის მაშინ, როცა კითხვა არ მოსწონს, ამიტომ ყურადღება მიაქციეთ მის ფორმულირებას, რაც, ერთი მხრივ, მისთვის მისაღები ფორმის შერჩევის, მეორე მხრივ კი ლავირების საშუალებას მოგცემთ.
  6. ყოველთვის აქცევს ყურადღებას ადამიანის ზოგად განათლებას. საუბრისას უცებ ჩააგდებს ხოლმე რაღაც პატარა ამოცანის მსგავსს (თავის დასაძვრენად ან ახალი არგუმენტის მოსაფიქრებლად, თან პარალელურად ჟურნალისტის აზროვნებას ამოწმებს) და თუ ჩაიჭერით, გადაგივლით.  თუ პასუხი იცით, ხომ ძალიან კარგი, მაგრამ მალევე დაუბრუნდით საკითხს. თუ არ იცით ან უცებ ვერ მიხვდით, შეახსენეთ, რომ მოცემულ ვითარებაში კითხვებს ჟურნალისტი სხვამს.
  7. არაფრით გაპატიებთ საკითხის ზედაპირულ ცოდნას. ბენდუქიძესთან ჭიდილში ჟურნალისტებს, ძირითადად, ეს ღუპავთ (გრიგოლია, შავერდაშვილი).
  8. ნუ ეცდებით, იყოთ დომინანტი, ნურც დაქვემდებარებული. ყოველთვის ეცადეთ, დაიჭიროთ თანაბარი პოზიციები საუბრის დროს. ამას ძალიან კარგად აკეთებს ნინო ჟიჟილაშვილი.
  9. ნუ გგონიათ, რომ თუ მისი ნაამბობის დიდ ნაწილს დაეთანხმებით, ამით ქულები მოგემატებათ, ცდებით. იგი თქვენ მიმართ ინტერესს დაკარგავს.
  10. დაბოლოს, არაფრის დიდებით არ ეცადოთ მისთვის თავის დამახსოვრებას. კახა  ბენდუქიძე ადამიანებს მათი მოქმედების, საუბრის, არგუმენტებისა და, ზოგადად, აქტივობების მიხედვით იმახსოვრებს.

წარმატებულ შერკინებას გისურვებთ ;)

როგორი უნდა იყოს ჟურნალისტის სახლი

როცა დღე რედაქტორის ზარით იწყება და, შეიძლება, არც დამთავრდეს

როცა “ზღაპრის” დასაწყისს, შუას და ბოლოს ერთდროულად წერ

როცა კარგი ბოტები ისევე გჭირდება, როგორც კარგი პასტა Continue reading

ბაასი ბასსა და კოლვინთან

ჩემ უკან: ჯონ ბასი და მარი კოლვინი

ბოლო დროს რომ ვუკვირდები, ვხვდები, რა აკლია ჩემს ბლოგს. ჟურნალისტიკა, ანუ ჩემი პროფესიული ცხოვრება. ვინც პირადად არ მიცნობთ, დიდი შანსია, არ იცოდეთ, რას ვსაქმიანობ, რას ვაკეთებ.

Continue reading

“რეზო”, მიყვარხარ!

დღეს კიდევ ერთხელ დავრწმუნდი ჩემი ბლოგის პოპულარობაში. გახსოვთ, ერთხელ ავტობუსში სასიამოვნოდ რომ დამაჯარიმეს და ეს ფოტო რომ გადავიღე? შეიკარით ღვედბი, მაგრად უნდა გაკაიფოთ!

Continue reading

ოპინიონმეიკერი

2008-ში, როდესაც პირველი ბლოგი გავაკეთე, ვერ წარმოვიდგენდი, თუ ოდესმე ჩემი აზრი ჩემთვის უცნობი ადამიანებისთვისაც საინტერესო და მნიშვნელოვანი იქნებოდა. ორი წელი გავიდა ამ ამბიდან და ვხვდები, რომ საკუთარ სურვილებს მკითხველების მოთხოვნას ვუთანხმებ და ისე ვპოსტავ. ეს ნიშნავს, რომ ნელ-ნელა ოპინიონმეიკერად გადავიქეცი.

Continue reading

არჩევნების შიდასამზარეულო

მეგონა, ეს დღე დამქანცველი და უჟმური იქნებოდა. აღმოჩნდა, რომ არჩევნების გაშუქება დამქანცველი და ძალიან ძალიან INTERESANTE გამოდგა. ყველაფერი უნდა გა/გადა/გამო/გადმო-თვალო, შე/გადა-ამოწმო და ეს ყველაფერი დედლაინებამდე მოასწრო. დედლაინი ჟურნალისტის 2012-ია!

GIPA-ში არჩევნებზე რადიოსიუჟეტის მომზადება დამევალა. მე და ანიმ სხვადასხვა პროფესიისა და ხელობის ადამიანების აზრი გავიგეთ ამ დღესთან დაკავშირებით. სიუჟეტი რადიო GIPA-ს ეთერით გადაიცა. Continue reading