Tag Archives: ბლოგი

Coming Back To Life

DSCN4592

თითქმის ერთი წელი გავიდა, რაც ამ ბლოგზე ბოლო ჩანაწერი გამოვაქვეყნე. გასული წლის ოქტომბერში ბლოგი ტექნიკური მიზეზებით გაითიშა. მან გამოტოვა ჩემი ცხოვრების მნიშვნელოვანი მოვლენები: ბათუმის გიტარის ფესტივალი, “ნიჭიერის” სამთვიანი პერიპეტიები, გამოფენები, პერფორმანსები, დღესასწაულები, დაბადების დღე… მაგრამ პაუზა დასრულდა და მე ისევ აქ ვარ. :) Continue reading

რატომ ხდებიან ბლოგერები?

ასეთი ტიპის შეკითხვას ათიოდ წლის წინ ვუსვამდი მათ, ვინც ეწეოდა და მათგან ძირითადად ორ პასუხს ვიღებდი:

  1. დეპრესია
  2. ყველა ეწეოდა და იმიტომ

დღეს მე გეკითხებით თქვენ, რატომ ხდებიან ბლოგერები?

კაი პონტია და იმიტომ?

თუ რამე ახალია სათქმელი?

პირადად მე ბლოგის წერა 2008 წელს დავიწყე და მაშინ ქართველი ბლოგერების (სვითი, დოდკა, როკო, ყვავა, საბუნია) არსებობის შესახებ არ ვიცოდი. ვწერდი იმიტომ, რომ მინდოდა, ჩემს მოთხრობებს გასაქანი მისცემოდა. საბლოო ჯამში, ჩემგან მწერალი არა, მაგრამ კარგი ბლოგერი გამოვიდა. კარგი იმ თვალსაზრისით, რომ პოპულარული ვიყავი და ჩემს აქტივობებს ბევრი გამოხმაურება ჰქონდა.

ახლა შედარებით დაბალი აქტიურობით გამოვირჩევი, თუმცა სექტემბრიდან საინტერესო ცვლილებებს ელოდეთ ;)

ახლა თქვენ მიპასუხეთ:

არის რაიმე კრიტერიუმები, რომლებსაც უნდა აკმაყოფილებდე, რომ გერქვას ბლოგერი?

ჩემი ახალი “ბლოგი”

ეს ჩემი ახალი “ბლოგია”. ძალიან მივეჩვიე. ბოლო დროს იმდენად გამოვციფრულდი, რომ მომენატრა წერის მამაპაპური მანერა. დროზე მივუსწარი, ასოების გამოყვანა ჯერ კიდევ შემიძლია, თუმცა, ხელით წერას გადაჩვეულს, კალიგრაფია ცოტათი შემცვლია.

ახალ “ბლოგში” წერისას მგონია, რომ პასტის წვერს ულტრასენსორული პლანშეტის ზედაპირზე ვასრიალებ და ყველაფერი მოლეკულების სიზუსტით გადმოიცემა – ესეც ციფრულად მოაზროვნეთა მიერ ტრადიციული საშუალებების აღქმა :)

Zurriuss 3 წლისაა!

ისეთი შეგრძნება მაქვს, რომ უფრო მეტი გავიდა, მაგრამ არც 3 წელია ცოტა. დღეს Zurriuss სამი წლის გახდა და ყველაზე უფერული დაბ. დღე ექნება, როგორც მის ავტორს აქვს ხოლმე.

[audio:http://zurriuss.ge/wp-content/uploads/2011/01/AllMovies.GE-One-Flew-Over-The-Cuckoos-Nest7.mp3|titles=AllMovies.GE One Flew Over The Cuckoo`s Nest7]

განვლილ 1 წელზე ძალიან მოკლედ ვიტყვი:

  • საკმაოდ აქტიურ ბლოგინგს ვეწეოდი, სანამ ჯარში აღმოვჩნდებოდი. მქონდა მაღალი აქტიურობა, ბევრი გამოხმაურება და, რაც მთავარია, ბევრი პოსტის იდეა.
  • დღესდღეობით აქტიურ ბლოგერად ვითვლები, მაგრამ, ზემოხსენებული მიზეზის გამო, ხშირად ვერ ვახერხებ ვერც წერას და ვერც სხვადასხვა ბლოგერული ღონისძიებების დასწრებას. ხან დრო არ მაქვს, ხან ძალა.
  • დასასრულისკენ მივექანები? არა, 8 თვეზე ნაკლები დამრჩა და სამხედრო სამსახურსაც მოვრჩები. მანამდე კი ვეცდები, ჩემს ბლოგს სიცოცხლე შევუნარჩუნო.

მენატრება:

  • საინტერესო თემების დაჭერა-გაანალიზება დაპოსტვა
  • დისკუსიები ჩემს პოსტებზე
  • ბლოგების კითხვა და მათთან დისკუსიებში ჩართვა
  • ბლოგ სხოდკები :)
  • სხვადასხვა აქციები ბლოგერებისთვის, რომლებშიც აქტიურად ვმონაწილეობდი
  • ბლოგერული ცხოვრება, რომელსაც მალე დავიბრუნებ

ესეც ჩემი სულ სულ პირველი პოსტი, რომელიც 2009 წლის ამ დღეს გამოვაქვეყნე. ბლოგები ჯერ კიდევ 2008-ში მქონდა, მაგრამ ჩემი ბლოგერობის დასაწყისად სწორედ ამას მივიჩნევ. ამიტომ დღეს Zurriuss 3 წლის გახდა :)

პ.ს. როცა აქტიურ ბლოგერულ ცხოვრებას დავუბრუნდები, საკმაოდ ბევრი ნახატი მექნება დაგროვილი, რაც გამოტოვებული ივენთების კომპენსაციად გამომადგება :)

Georgian Opera – ჩემი ახალი ბლოგი

ბევრი ვიფიქრე თუ ცოტა ვიფიქრე, ამიერიდან ოპერით თავს ნაკლებად შეგაწუხებთ, რადგან მისთვის ახალი ბლოგი გავხსენი.

georgianopera.wordpress.com

ქართულ სოციალურ მედიაში ოპერაზე თითქმის არაფერი იწერება, არც კონსერვატორიას გააჩნია სტაბილური პერიოდული გამოცემა. ინტერნეტში მხოლოდ ხანდახან თუ გავრცელდება ლაშა ბუღაძის ან ნოდარ ლადარიას მიმოხილვები… ეს არის და ეს.

ყოველივე აქედან გამომდინაერე, დიდ მიზნებს ვისახავ:

მქონდეს საქართველოში პირველი თემატური ბლოგი საოპერო ხელოვნებაზე

ვწერდე სისტემატურად, როგორც ვრცელ პოსტებს, ასევე მიმოხილვებს

წერდნენ სხვა ავტორებიც

წერდეს, რაც შეიძლება, მეტი

და ბოლოს, ამ ბლოგის აზრი საინტერესო და გასათვალისწინებელი გახდეს სხვათა მიერ. ვოტ :)

მწერლობა გარდამავალ დროში

ლადიოტანტი - გარდამავალი ადამიანის სახე

შარშანდელ პოსტებს რომ გადავხედავ თითოზე 20 კომენტარით, ვბრაზობ, რომ უკმაყოფილო ვიყავი, მეტი რატომ არ მაქვსო. არადა, თაზო მეუბნებოდა, საწუწუნო არაფერი გაქვსო. ახლა ვხვდები, რომ მართალი ყოფილა. მაგრამ უკვე აღარ მწყინს, რომ ნაკლებად პოპულარული გავხდი. “ანინას კრიზისს” რომ გადავურჩი, ეგეც მეყოფა. არადა ვიცი, ანინას გამოჩენის შემდეგ, რამდენიმე ბლოგი ოფიციალურად (თუ არაოფიციალურად) დაიხურა. Continue reading

ბოლო დროს დაგროვილი ამბები

ბოლო ერთი კვირა ძალიან საინტერესო მქონდა და ვეცადე, ყველაფერი flip კამერით აღმებეჭდა. შედეგად, ესეც ჩემი ორი ვიდეო ;)

24 საათი საკმარისი აღარ არის

[audio:http://zurriuss.ge/wp-content/uploads/2011/02/Flight-of-the-Bumblebee-Piano.mp3|titles=Flight of the Bumblebee – Piano]

  1. საინტერესო ამბები/მოვლენები გაცილებით მეტია, ვიდრე მათი გასაცნობი დრო
  2. სამუშაო უფრო მეტ კონცენტრირებას მოითხოვს, ვიდრე მისთვის განკუთვნილი საათებია
  3. დაგეგმვა-აწყობას იმდენივე დრო მიაქვს, რაც ერთი დიდი კარადის დალაგებას
  4. სპექტაკლის ყურებისას ბოლომდე ვერ “გადაეშვები”, რადგან მერე მასზე უნდა დაწერო
  5. ფილმის ყურება ფეისბუკის პარალელურად Continue reading

როცა 2-ის გავხდი

[audio:http://zurriuss.ge/wp-content/uploads/2011/01/AllMovies.GE-One-Flew-Over-The-Cuckoos-Nest7.mp3|titles=AllMovies.GE One Flew Over The Cuckoo`s Nest7]
  • როცა 2-ის გავხდი, სულაც არ მიფიქრია ამაზე
  • როცა 2-ის გავხდი, ქაქი ზუსტად ისე ყარდა, როგორც მანამდე
  • როცა 2-ის გავხდი, გაუცნობიერებლად ვიფიქრე, რისი გაუმჯობესება შეიძლება
  • როცა 2-ის გავხდი, რას უნდა მოელოდეთ, დაბადების დღეები ორიგინალურობას ჭამს
  • როცა 2-ის გავხდი, წავედი ჯეპრაში, მერე ჯიპაში, მერე ლანდიშა ვნახე, მერე შალვა, მერე სახლი, მერე სტატია, მერე “ვიღაცამ გუგულის ბუდეს გადაუფრინა”, მერე ძილი
  • ….და ერთი დღის დაგვიანებით გამახსენდა საკუთარი ბლოგის დაბადების დღე Continue reading

ფეისბუკი თუ გაქრება…

მარკ ცუკერბერგი Facebook-ს 15 მარტს დაასამარებს – 8 იანვარს გავრცელებულ ამ ნიუსს მსოფლიო გამოცემები პასუხობენ. BBC-ის გვერდზე განთავსებულ სტატიას თვალი რომ გადავავლე, სისხლი კინაღამ ჩამექცა. Weekly World News-ზე გამოქვეყნებული ცუკერბერგის ციტატებმა სულ გადამრიეს: Continue reading