Zurriuss.Ge » ჩანჩქერები

Yann Arthus Bertrand – Visions of Earth

zurriuss — Thu, 12 May 2011 07:46:51 +0000

I’ve been watching HOME for a long time and still wonder how self sufficient is our planet. Despite the fact that the man kind uses the 4 billion-year-old heritage, Earth still goes on “living”. But soon it will expire its last resources and then death will start. Earth might regain its greenery and some forms of life but it will happen after the death of human, the most wise animal on the planet who wasn’t wise enough not to pill down the branch he was sitting on.

Here, on the pictures taken by Yann Arthus Bertrand, you’ll see what we still have and without what our life will not exist.

ვხარობთ ბუნების წიაღში ანუ მანგლისი 2010

zurriuss — Sun, 06 Jun 2010 21:12:10 +0000

ოდეს უგუნურთ წამოსვლაი არარა უნდოდეთ, ანუ ეზარებოდეთ, ანუ ეჭირვებოდეთ, გინა ემაზინტალებოდეთ და არრა რა ეიმედებოდეთ, აჩუენენით მათ საგმირონი სლვანი და თავგარდასავალნი თქუენნი, რათა გულნი მათნი აღივსონ ნდომად წამოსლვისა და სინანულად წინარე ექსკურსიის გამაზვისა — ძველი შუმერული ანდაზა

ყაყაჩოსთან მოსაუბრეო

ფოტოსთვის დიიიდი მადლობა ლეონსიოს

ასე ამოვყავით თავი მარშუტკაში ათმა რჩეულმა ბლოგერმა. სიმართლე გითხრათ, მცირეოდენი კომპლექსი მაწუხებდა მარშუტკასთან დაკავშირებით: სულ უკან ვჯდები ხოლმე, რომ ვინმე ღირსეულის ამოსვლის შემთხვევაში, ფეხზე წამოდგომისა და ადგილის დათმობის სურვილი ან შესაძლებლობა არ გამიჩნდეს. ამჯერად წინ ვიჯექი დამშვიდებული, რადგან ვიცოდი, რომ აწი აღარავინ ამოვიდოდა

დღევანდელი დღე იყო გადასარევი. მართლა მოვეშვი და ყოფიერება ცოტა ხნით მაინც დავიკიდე ფეხზე. ასე იყო ყველა ჩემი თანამგზავრი. მათს პოსტებსა და შთაბეჭდილებებს ბლომად ნახავთ ამ დღეებში. მე კი თავს არ შეგაწყენთ და ორიოდე ვიდეოპოსტით შემოვიფარგლები.

ყველას დიდი მალდობა და აწი უფრო მეტს გელით!!!

ბოდიალს არ ვიმჩნევთ

ანხელის ჩანჩქერი – ყველაზე მაღალი წყალვარდნილი

zurriuss — Sun, 04 Apr 2010 21:22:07 +0000

ტეპუის ტყეში წვიმს. წყალს მიწიდან ამოტანილი გაციებული ორთქლი ემატება. აუატეპუის პლატოს ერთ-ერთ-ერთი ნაპრალიდან გაბმული შრიალის ხმა ისმის. ხევიდან სინათლის სხივები ირეკლება, თითქოს კვარცის კედლებში ალმასის კრისტალებს მოეყაროს თავი. შხუილის ხმა უფრო იმატებს, ძლიერდება და მელოდიური ხდება. წყალი გაივლის მიხვეულ-მოხვეულ ნაპრალებს და…. უსასრულო სივრცეში ჩაიორთქლება…

ანხელის ჩანჩქერი ვენესუელას ეროვნულ ნაკრძალშია. დღეს სწორედ მასზე ვისაუბრებ. აქვე გეტყვით, რომ მისი სახელი (Angel Falls) სრულებით არ არის კავშირში “ანხელის” ესპანურენოვან გაგებასთან (Angel) და არ ნიშნავს “ანგელოზს”. ჩანჩქერს სახელი ავიატორ ჯიმი ეინჯელის პატივსაცემად უწოდეს, რომელმაც მას 1935 წელს გადაუფრინა. ადგილობრივები კი კერეპაკუპაი-მერუს უწოდებენ, რაც “ყველაზე ღრმა ადგილის ჩანჩქერს” ნიშნავს.

ანხელის ჩანჩქერი ყველაზე მაღალი წყალვარდნილია დედამიწაზე. წყალი 979 მეტრის სიმაღლიდან ეშვება “ეშმაკის გამოქვაბულში” და მდინარე რიო გაუას ასაზრდოებს (Río Gauya). ანხელი საოცარია იმით, რომ წყალი ისე მაღლიდან ეშვება, რომ ჰაერთან შეჯახებისას წყლის მტვრად და ორთქლად იქცევა და მიწამდე წყლის მცირე რაოდენობა აღწევს.

სხვათა შორის, უგო ჩავესმა 2009 წელს განაცხადა, რომ ჩანჩქერს ოფიციალურ სახელს შეუცვლიდა და აბორიგენულს დაარქმევდა. შემდეგ ცნობილი გახდა, რომ ვენესუელის დიქტატორმა გადაწყვეტილება შეცვალა. თვითონ ჯიმი ეინჯელმა კი, 1937 წელს, ერთ-ერთი გადაფრენისას გადაწყვიტა, აღნიშნული ჩანჩქერის სათავეებთან დაშვებულიყო. თვითმფრინავი დაზიანდა და ჭაობიან ადგილას ჩაეშვა. ეინჯელსა და მის თანხმლებ პირებს თვითმფრინავის დატოვება მოუწიათ, რადგან მან ჩაძირვა დაიწყო. 11 დღეს იხეტიალეს 979 მეტრზე განფენილ ჯუნგლებში ავიატორის ხელმძღვანელობით და ბოლოს ჩანჩქერის წყალვარდნილსაც მიადგნენ. ამასობაში ეინჯელმა ჩანჩქერზე ბევრი ინფორმაცია შეაგროვა. ფაქტობრივად, პირველად მან შეისწავლა ეს ადგილი, რის გამოც ჩანჩქერსაც მისი სახელი დაარქვეს.

ანხელის ჩანჩქერი ტურისტების საყვარელი ადგილია. ისინი თვითმფრინავით მიემგზავრებიან კერეპაკუპაი მერუსაკენ და კლდის სათავეებთან ჩერდებიან. ბევრი ადრენალინის მოყვარული პარაშუტისტი 979 მეტრის სიმაღლიდან ხტება და ორთქლადქცეული წყლის პარალელურად ეშვება მიწაზე.

იგუასუ – დედა ჩანჩქერი

zurriuss — Mon, 29 Mar 2010 10:07:38 +0000

ლეგენდის თანახმად ღმერთს მშვენიერი აბორიგენი ნაიპი უყვარდა და მასზე დაქორწინება გადაეწყვიტა. როცა ლამაზმანმა ეს გაიგო, მოკვდავ მიჯნურ ტარობასთან ერთად გაქცევა გადაწყვიტა. შეყვარებულები მდინარე იგუასუს დინებაში კანოეთი შეცურდნენ. განრისხებულმა ღმერთმა მდინარე უამრავ ჩანჩქერად დაანაწევრა და შეყვარებულები მუდმივი ვარდნით დაწყევლა…

მდინარე იგუასუ ამაზონის ერთ-ერთი მსხვილი განშტოებაა, რომელიც ბრაზილია-არგენტინის საზღვარზე გაუვალ ჯუნგლებში მიიკლაკნება. კონკისტადორი ალვარ ნუნიეს კაბესა დე ვაკა პირველი კონკისტადორი იყო, რომელმაც ჩანჩქერი აღმოაჩინა. XIX საუკუნეში იგი ხელახლა აღმოაჩინეს. იგუასუს ჩანჩქერს დღეს იუნესკოს მსოფლიომემკვიდრეობის ფონდი იცავს.

იგუასუ 275 ჩანჩქერად მოედინება, მდინარის კალაპოტის სიგანე აქ 2,7 კილომეტრს აღწევს. მათი სიმაღლე 64-დან 82 მეტრამდე მერყეობს. ყველაზე ცნობილი კი მაინც “ეშმაკის ყელია” (Garganta del Diablo – ესპანურად), რომელსაც U-ს ფორმა აქვს და კლდეში რკალისებურადაა შეჭრილი. ჩანჩქერში წამში საშუალოდ 6500 კუბური მეტრი წყალი გაივლის, პიკის მომენტში კი მაჩვენებელი 12000-მდე იზრდება.

Garganta del Diablo-სიგანე 150 მეტრია და წყალი აქ 82 მეტრის სიმაღლიდან იფრქვევა

როდესაც აშშ-ის პირველმა ლედიმ ელეონორ რუზველტმა იგუასუ დაინახა, აღტაცებით წამოიძახა: “Poor Niagara!” მართლაც, იგუასუ უფრო დიდია, განიერი და მრავალფეროვანია, ვიდრე ნიაგარა ან ვიქტორია. მისი დათვალიერება ორი ადგილიდან შეიძლება: Foz do Iguaçu-დან (ბრაზილიის მხარე) და Puerto Iguazú-დან (არგენტინის მხარე).

წყლის შხეფების ნისლი ზოგჯერ 150 მეტრს აღწევს

ჩანჩქერთა კომპლექსს მათ შორის მორჩენილი ბორცვი ორად ყოფს, რის გამოც მისი ერთიანად შეფასება მხოლოდ საფრენი სიმაღლიდანაა შესაძლებელი. ესეც თავისებური მისტიკაა, რომელიც მას ამაზონისაგან, დედა მდინარაგან ერგო. იგუასუ ჩვენი პლანეტის ერთ-ერთი საუცხოო ქმნილებაა, ვარდნილი წყლის ყოვლისმომცველი სიმფონია. ჩემი აზრით, იგი მსოფლიოს დედა ჩანჩქერია.

P.S. ჩანჩქერების ციკლს მერეც მივუბრუნდები