Zurriuss.Ge » ბლოგები

Zurriuss 3 წლისაა!

zurriuss — Sat, 04 Feb 2012 07:33:54 +0000

ისეთი შეგრძნება მაქვს, რომ უფრო მეტი გავიდა, მაგრამ არც 3 წელია ცოტა. დღეს Zurriuss სამი წლის გახდა და ყველაზე უფერული დაბ. დღე ექნება, როგორც მის ავტორს აქვს ხოლმე.

განვლილ 1 წელზე ძალიან მოკლედ ვიტყვი:

საკმაოდ აქტიურ ბლოგინგს ვეწეოდი, სანამ ჯარში აღმოვჩნდებოდი. მქონდა მაღალი აქტიურობა, ბევრი გამოხმაურება და, რაც მთავარია, ბევრი პოსტის იდეა.
დღესდღეობით აქტიურ ბლოგერად ვითვლები, მაგრამ, ზემოხსენებული მიზეზის გამო, ხშირად ვერ ვახერხებ ვერც წერას და ვერც სხვადასხვა ბლოგერული ღონისძიებების დასწრებას. ხან დრო არ მაქვს, ხან ძალა.
დასასრულისკენ მივექანები? არა, 8 თვეზე ნაკლები დამრჩა და სამხედრო სამსახურსაც მოვრჩები. მანამდე კი ვეცდები, ჩემს ბლოგს სიცოცხლე შევუნარჩუნო.

მენატრება:

საინტერესო თემების დაჭერა-გაანალიზება დაპოსტვა
დისკუსიები ჩემს პოსტებზე
ბლოგების კითხვა და მათთან დისკუსიებში ჩართვა
ბლოგ სხოდკები
სხვადასხვა აქციები ბლოგერებისთვის, რომლებშიც აქტიურად ვმონაწილეობდი
ბლოგერული ცხოვრება, რომელსაც მალე დავიბრუნებ

ესეც ჩემი სულ სულ პირველი პოსტი, რომელიც 2009 წლის ამ დღეს გამოვაქვეყნე. ბლოგები ჯერ კიდევ 2008-ში მქონდა, მაგრამ ჩემი ბლოგერობის დასაწყისად სწორედ ამას მივიჩნევ. ამიტომ დღეს Zurriuss 3 წლის გახდა

პ.ს. როცა აქტიურ ბლოგერულ ცხოვრებას დავუბრუნდები, საკმაოდ ბევრი ნახატი მექნება დაგროვილი, რაც გამოტოვებული ივენთების კომპენსაციად გამომადგება

2012 წელი და მარტო სახლში

zurriuss — Fri, 23 Dec 2011 10:09:16 +0000

ჩემი ახალი, "მზა" ნაძვის ხე

შობა-ახალი წელი საკუთარ დაბადების დღეზე მეტად რომ მიყვარს, დიდი ხნის წინ მივხვდი. ჯერ არ მახსოვს, ახალი წლის ბავშვური სიხარული გამნელებოდეს. ყველაფერი ისევ ისეა, როგორც 5, 10 თუ 15 წლის წინ. თვითონ ვრთავ ნაძვის ხეს, ვმღერი საშობაო სიმღერებს და ახალი წლის ღამეს ვისვრი მაშხალებს. ახალ წელს ყოველთვის შინ ვხვდები (შარშანდელი ბედნიერი გამონაკლისი იყო), წელს კი ყველაფერი სხვაგვარად იქნება!

როგორ იწყება ჩემი 2012 წელი:

ახალ წელს ჯარში, სავარაუდოდ, პოსტზე დგომისას შევხვდები
ახალ წელს პირველად ვხვდები თბილისში
ახალ წელს, როცა სახლში ღამენათევი დავბრუნდები, არავინ დამხვდება. ჩემი ძმა ქუთაისში იქნება
ახალ წელს ვერ გავაწყობ ნაძვის ხეს, რადგან უკვე გაწყობილი პატარა ნაძვის ხე მაქვს
ახალ წელს, ალბათ, დავლევ თაფლიან-ლიმნიან ვარდის ჩაის, შევჭამ რაიმე სამარხვოს, მერე გამოვრთავ მობილურ ტელეფონს, მივწვები და დავიძინებ
ახალ წელს, როცა შუადღის ძილიდან გამოვძვრები, ჩავრთავ ტელეფონს, გავხსნი ლეპტოპს, ვეღარ ავუვალ საახალწლო მილოცვებს, ლეპტოპს დავხურავ
ახალ წელს მოვიცვამ პალტოს, კაშნეს, ქუდს, ხელთათმანებს, გავალ უკვე ჩამობნელებულ გარეთ-ში და ერთდღიან შვებულებაზე გასულ ქალაქს მარტო დავათვალიერებ, რა თქმა უნდა, “მარტო სახლში“-ს საუნდტრეკების ფონზე. თუ მელანქოლიამ გადამძლია, რომელიმე დიდ ნაძვის (მაგრამ მახინჯ) ხესთან მივალ და რამეს ჩავიფიქრებ.
ახალ წელს, როცა ბოდიალს მოვრჩები, სახლში დავბრუნდები, ცოტას წავხატავ, რამეს ვუყურებ და კვლავ დავიძინებ.

თუმცა ყველაფერი, შესაძლოა, სხვანაირად განვითარდეს. მაგრამ, როგორც არ უნდა მოხდეს, მე მაინც მადლიერი ვიქნები, რადგან თითოეული დღე რაღაც ახალს მასწავლის. მთავარია, თვალი კარგად მიმოვავლო გარემოს და აუცილებლად ვიპოვი იმ დღის სახელმძღვანელოს, გადაშლილს შესაბამის გვერდზე.

პ.ს. საშობაო მუსიკა რომ დამედო, ძალიან მელანქოლიური პოსტი გამოვიდოდა, არადა სულაც არ მომიწყენია. ასე რომ, თამთა ცხვიტავა ვარჩიე. ჰო, მართლა, დღეს მის დახურულ კონცერტზე მივდივარ და ახალ წლამდე შთაბეჭდილებებსაც გიამბობთ

ბლოგერები წინა ცხოვრებაში Vol. 2

zurriuss — Mon, 21 Nov 2011 13:06:08 +0000

ვაგრძელებ წინა და ეგზომ პოპულარულ პოსტს (პრინციპში, მაგიტომაც შეიქმნა) ბლოგერების წინა ცხოვრების თაობაზე. მაშასადამე…

მანქი

ჩორვენი

სვითი

Zur.Ge

ეკუსი

ქილიფა

ხე-რგიანი

ქეით ალუკარდი

გიო რგა

პიკოლინა

ულისე ოხანაშვილი

მწვანე ვაშლი

ჰექსე

ან ნა

ლეონსიო

ფსიქე

კნუტი

ესეც ასე

ბლოგერები წინა ცხოვრებაში

zurriuss — Tue, 15 Nov 2011 11:03:47 +0000

ბევრი ვიფანტაზიორე თუ ცოტა ვიფანტაზიორე, ანას დახმარებით, ყველაზე ცნობილი ბლოგერების წინა ცხოვრების ფოტოები “აღმოვაჩინე”

დოდკა

როკო

ყვავა

საბუნია

ლანდიშა

სიყვარულოვნა

ვასასი

კატიე

დუდი

ლიტერატორი

ეთნორევაზი

გრინმარი

ადო

თინი

ნოჩურა

გაბო

თემუჩინი

პაწუ

პ.ს. ვისა გული დაგწყდათ ან თვლით, რომ უკეთესი ვარიანტები გაქვთ, კომენტარებში მომწერეთ

Georgian Opera – ჩემი ახალი ბლოგი

zurriuss — Wed, 29 Jun 2011 19:39:03 +0000

ბევრი ვიფიქრე თუ ცოტა ვიფიქრე, ამიერიდან ოპერით თავს ნაკლებად შეგაწუხებთ, რადგან მისთვის ახალი ბლოგი გავხსენი.

georgianopera.wordpress.com

ქართულ სოციალურ მედიაში ოპერაზე თითქმის არაფერი იწერება, არც კონსერვატორიას გააჩნია სტაბილური პერიოდული გამოცემა. ინტერნეტში მხოლოდ ხანდახან თუ გავრცელდება ლაშა ბუღაძის ან ნოდარ ლადარიას მიმოხილვები… ეს არის და ეს.

ყოველივე აქედან გამომდინაერე, დიდ მიზნებს ვისახავ:

მქონდეს საქართველოში პირველი თემატური ბლოგი საოპერო ხელოვნებაზე

ვწერდე სისტემატურად, როგორც ვრცელ პოსტებს, ასევე მიმოხილვებს

წერდნენ სხვა ავტორებიც

წერდეს, რაც შეიძლება, მეტი

და ბოლოს, ამ ბლოგის აზრი საინტერესო და გასათვალისწინებელი გახდეს სხვათა მიერ. ვოტ

ბლოგერული ვიდეოები ^^

zurriuss — Mon, 27 Jun 2011 13:19:15 +0000

ქართული ბლოგინგის დღეები 2011 – კვარიათში (ვიდეოპოსტი)

zurriuss — Sat, 18 Jun 2011 09:04:03 +0000

ბოლო დროს დაგროვილი ამბები

zurriuss — Fri, 18 Mar 2011 07:57:49 +0000

ბოლო ერთი კვირა ძალიან საინტერესო მქონდა და ვეცადე, ყველაფერი flip კამერით აღმებეჭდა. შედეგად, ესეც ჩემი ორი ვიდეო

როცა 2-ის გავხდი

zurriuss — Sat, 05 Feb 2011 07:05:02 +0000

როცა 2-ის გავხდი, სულაც არ მიფიქრია ამაზე
როცა 2-ის გავხდი, ქაქი ზუსტად ისე ყარდა, როგორც მანამდე
როცა 2-ის გავხდი, გაუცნობიერებლად ვიფიქრე, რისი გაუმჯობესება შეიძლება
როცა 2-ის გავხდი, რას უნდა მოელოდეთ, დაბადების დღეები ორიგინალურობას ჭამს
როცა 2-ის გავხდი, წავედი ჯეპრაში, მერე ჯიპაში, მერე ლანდიშა ვნახე, მერე შალვა, მერე სახლი, მერე სტატია, მერე “ვიღაცამ გუგულის ბუდეს გადაუფრინა”, მერე ძილი
….და ერთი დღის დაგვიანებით გამახსენდა საკუთარი ბლოგის დაბადების დღე
უცებ მოვქექე ჩემი შარშანდელი საიუბილეო პოსტი, რომელიც ჯერ კიდევ ძველ ბლოგზე მქონდა გამოქვეყნებული
და ჩემი სულ-სულ პირველი პოსტიც გავიხსენე WordPress-ზე
არაჰ, დაბადების დღეებში მაგარი ლაყე ვარ. სხვისიც ისეთივე ქლენძღვობა მეჩვენება, როგორც ჩემი. რა გასაკვირია, ჩემი ბლოგის 2 წლის შესრულებაზე რომ არ გადავირიე სიხარულით
ხომ ხედავთ, არც მე გამხსენებია, არც თქვენ და არც არავის – და ამით ქვეყანა არ დაქცეულა
ასე რომ, მოეშვით, როცა 2-ის გავხდი უკვე გუშინდელი თემაა

P.S. დღეს რუსთაველში “კაცია ადამიანი?!” იქნება, საშველი უნდა დავაყენო და ვნახო. კტო სა მნოი?

ბლოგერების პროფკავშირი?

zurriuss — Fri, 03 Dec 2010 14:25:21 +0000

ქართველებს გვიყვარს ერთად დგომა და ასე თავის გატანა. ამანაც გადაგვარჩინა თავის დროზე. ერთად დგომა კარგია.

თუმცა

ერთად დგომა და ერთ აზრზე ყოფნა ყოველთვის არ არის კარგის მომტანი. საქმე ბლოგერებს (გვ)ეხება. ისმის კითხვა:

რატომ უნდა გავერთიანდეთ? გვინდა ბლოგერების პროფკავშირი?

21-ე საუკუნემ სიტყვის უალტერნატივო და არნახული თავისუფლება მოიტანა და მას სოციალური მედია ჰქვია. აქ ყველა თანასწორია, რადგან ყველას თანაბარი უფლება და თამაშის წესები აქვს. შესაბამისად, ყველას აზრი ინდივიდუალური და მნიშვნელოვანია.

რატომ უნდა აწყობდეს ვინმეს ამ თავისუფალი სისტემისაგან “პროფკავშირის” ჩამოყალიბება და “კლუბებად” და “გრუფებად” დაყოფა?

პირადად მე სამ მიზეზი დავითვალე:

ძმობა, მეგობრობა და გაგება უნდა ყველგან
უნდა, ხალხი გააკონტროლოს
დებილია

გასაგებია, რომ ბლოგერებიც ადამიანები ვართ და სწორედ ჩვენს ადამიანურობაზე ვწერთ სხვადასხვანაირად. ბლოგერები შეიძლება ვმეგობრობდეთ ერთმანეთთან ან არც ვიცნობდეთ ერთმანეთს. შეიძლება ვიყოთ გახსნილები ან ჩაკეტილები. მაგრამ

მაგრამ

არანაირად არ ვართ საზოგადოების გარკვეული ჯგუფი, რომელიც რაიმე ნიშნით გამორჩეულია ვინმესგან.

საზოგადოების რაღაც ნაწილს კი ბლოგერები “სექტა” ჰგონია, რომელიც ლიბერალურ, არალიბერალურ, ამაზრზენ თუ არაამაზრზენ ღირებულებებს ამკვიდრებს. ამ შემთხვევაში ღირებულებებს არ ვეხებ. მე ბლოგერების “რაღაც ჯგუფად”, “სექტად”, “პროფკავშირად” მოაზრება მიშლის ნერვებს, რადგან ეს ერთ პატარა ჭეშმარიტებას ეწინააღმდეგება:

ბლოგერი არის სუბიექტურად ობიექტური ანუ თავისუფალი აზრის მქონე ინდივიდი

და როგორც კი ასეთი სუბიექტურად ობიექტური ინდივიდები ერთ ჯგუფში გროვდებიან, ირქვამენ/ერქმევათ/ეძახიან საერთო სახელს, ეს უკვე ურტყამს თითოეული მათგანის

ინდივიდუალურ თავისუფლებას.

ასე რომ, ხალხებო, გვინდა ბლოგერების პროფკავშირი?